Wel, dyma ni, cwpl o ddyddiau cyn gadael ac wedi penderfynu trio creu blog bach cyn mynd er mwyn gweld os fedar dwy ddi-blog-brofiad fel ni neud un! Mae'r blog yma wedi'i greu yn bennaf er mwyn i deulu a ffrindiau gael busnesa ar ein hanes - fydd o ddim yn cynnwys unrhyw sylwadau chwyldroadol am fywyd na llawer o ffeithiau dibynnadwy. Mae o hefyd yn gyfle i ni dderbyn chydig o hanesion o adra fel bo ni ddim yn methu allan ar unrhyw glecs pwysig!
Mae gennym ni gynllun bras ar gyfer y daith ac felly wedi atodi'r map - ni ydi'r linell biws!!
Hoffem gymryd y cyfle hefyd i ddiolch i bawb am eu cyfraniadau hael tuag at gartef plant Mi Casita y byddwn yn ymweld a hi tra'n Esquel, Patagonia. Rydym wedi llwyddo i gasglu £400 gyda diolch arbennig i Gweithredu Dros Blant sy'n bwriadu gallu cyfeillio gyda Mi Casita yn y dyfodol. Er mwyn i chi deimlo eich bod wedi cael gwerth eich pres hefyd, mi fedran ni gadarnhau ein bod wedi cyflawni'r daith i Moel Famau (ag Awen a'i stretched medial ligament wedi cyrraedd hanner ffordd canmoladwy!) Mi fydd na fwy o hanes Mi Casita mewn rhyw fis.
Adios mawr i bawb am y tro. Gobeithio gewch chi lot o law tra dani ffwrdd!